昨日與林莉出席化妝品牌記者會談護膚心得的陳法拉，近年不停忙拍劇，她自爆終出現人生首條皺紋：「我成日都皺眉，所以皺紋生咗喺眉心，好難接受！開始有歲月痕迹，係TVB送畀我嘅。以前都唔係太保養皮膚，平時洗完面搽啲嘢就算，依家會注意多啲。」提到李家傑洽購無綫股權，法拉坦言尊重邵逸夫：「我有買TVB股票，都係股東之一！（賺咗唔少啦！）OK啦！入行後一直都有留意，知道公司識賺錢。（諸葛梓岐曾經同李家傑傳緋聞！）唔知道。（會八吓？）冇嘢回應，唔理人哋啲嘢！」至於林莉則坦言向來重視護膚，剛換季已買了不少護膚品，還自爆以前拍拖時曾幫男友按摩及敷面膜，感覺特別甜蜜。