29/09/2010

播放本新聞相關短片

栢芝日收百萬笑住復出

最近不時傳出張栢芝復出的消息,但原來她最近終落實接拍黃百鳴的賀歲片,夥拍甄子丹及古天樂等票房保證放笑彈,據知片酬更突破千萬元。

栢芝復出接拍新片,但一直只聞樓梯響,早前有傳她接拍導演爾冬陞的新片,最後因檔期問題而放棄合作,令粉絲大為失望。不過,栢芝終於出山在望,因她已落實接拍黃百鳴的賀歲片《最強囍事》!閉關做賢妻良母的她可謂仍有價有市,復出身價大升,片酬估計逾千萬港元!據知,今次她只需開工十多天,換句話說即平均日薪高達百萬,片酬在女星中絕對數一數二。

黃百鳴誠意打動

黃百鳴昨日直認栢芝加入劇組,問到如何打動她?他說:「我諗係誠意同個班底好。(栢芝嘅兩個仔會唔會演出?)冇傾過呢樣嘢喎!」據知,栢芝被打動出山,與同片的甄子丹及古天樂大有關係,因為兩人均是內地票房保證。甄子丹每部電影票房均億億聲,即使賀歲片競爭激烈,相信今次《最》片票房亦十分穩陣,絕對有助她重新打入內地市場。

未因湊仔求遷就

據知栢芝今次簽約沒有特別要求,未有因湊仔而要求劇組遷就拍攝地點及時間。不過,黃百鳴錫住復出的栢芝,只需她出席兩次宣傳活動,分別在香港及內地首映亮相,毋須像大部分新片的演員般需要走埠多場谷戲。亦由於有栢芝的強勢加入,劇組需重寫劇本,角色可算是為她度身而造!

《最》片由雙生雙旦擔正,甄子丹與古天樂在片中飾演化妝師,主要的感情線是甄子丹配劉嘉玲、栢芝則配古仔。甄子丹片酬逾1,500萬元,古天樂的身價亦逾千萬元。至於劉嘉玲的身價亦絕不遜色,估計《最》片製作費不菲。

專案組