無綫演員黃澤鋒3月與太太陳麗麗註冊結婚，昨晚補擺喜酒，筵開20席，賓客多是女方親友及女家生意上的朋友等。現場棄用「黃陳聯婚」，改用「陳府于歸」，澤鋒說：「我冇請圈中人，佢哋忙，請咗啲梳頭、化妝幕後手足，發覺結婚真係好辛苦，奉勸結一次好，雖然我就結第二次。（幾時造人？）我已經不設防，老婆都屬於高齡，兩家人都想快啲有孫抱，但可能我唔得呢！做咗老公責任重大，會畀心機搵錢，我已經將全部財產交畀老婆管，依家冇錢，各界有工作就搵我。」