昨日黃宗澤及廖碧兒（Bernice）為一間萬聖節主題餐廳主持開幕，Bernice扮邪惡水手，穿低胸短裙的她十分養眼，Bosco則化上Smoky Eyes眼妝，心情大靚的他們加插表演「嘩鬼十式」，由一數到十轉甫士，似足o靚模自拍，非常搞笑！

Bosco（右二）與廖碧兒（左二）被兩隻嘩鬼圍攻，表情交足戲。	胡杏兒	身穿水手低胸裝的廖碧兒，青春可愛。

Bosco表示Bernice的裝扮令他聯想到o靚模，並笑言對方可將詠春Crossover可愛Look，問到是否經常睇o靚模寫真偷師？Bosco否認：「一本都冇睇！係台灣綜藝節目教嘅，我年紀大喇！對o靚模冇興趣！（識邊個？）分唔到呀！淨係識周秀娜！」他又表示不喜歡導彈身材，對骨感型情有獨鍾，分明隔空冧緋聞女友胡杏兒！問到會否教杏兒「嘩鬼十式」？他說：「都唔襯！杏兒係爽朗同Cool。（教佢另外十式？）講咩呀？好似好色情咁！」

Bernice則指Bosco對她沒興趣，問到會否扮o靚模引誘陳豪？她說：「今日係畀觀眾睇。（叫佢買報紙睇？）我唔敢！你哋叫啦！」提到萬聖節，Bernice表示外國的氣氛濃厚，有不少鬼屋供小朋友玩耍。至於Bosco則想在家開扮嘢派對：「我幾日冇瞓個樣都夠嚇鬼，黑眼圈好勁！」

轉老闆冇影響

對於有傳李兆基計劃收購無綫，Bosco說：「我係小職員，做好本分啦！（畀人挖角？）唔會，市面上咁多演員。（有咩意見畀無綫？）繼續製作好節目。（加人工？）係人都想加，但話唔到事。」Bernice則指就算轉老闆，對她影響也不大，因她尚有長年期合約。

至於薛家燕表示無綫假如收購屬實，她會捨不得六叔（邵逸夫）及方小姐（方逸華），她說：「講真，世界各地都有得收睇無綫節目，所以我希望無論係任何股東，都可以維持番無綫嘅特質，保留番我哋質素好好嘅台前幕後工作人員。」