27/09/2010

播放本新聞相關短片

周秀娜諸葛梓岐如期赴日開工

最近中、日關係緊張,成功攻日的潮模周秀娜、諸葛梓岐與Angelababy異口同聲表示,對中國船長詹其雄獲釋大感高興,但工作則不受影響,諸葛梓岐說:「我啱啱由日本工作返嚟,過程好順利,但喺酒店樓下見到有政治人士遊行,同埋有架車寫住『釣魚台』字眼。(擔心?)唔會,下月中我會再去日本工作,暫時不受影響。(男友擔心?)佢有叫我小心啲,之前我哋都諗住去日本玩,依家睇定啲先。」周秀娜則說:「我覺得娛樂同政治係兩件事,唔會受影響,下個月我會去日本幫雜誌影時裝相,行程冇受影響。」

至於Baby近日因檔期問題而未有赴日工作,其經理人Kim說:「我哋嘅工作同政治扯唔上關係,接觸嘅都係Fashion界嘅朋友,佢哋好錫Baby,所以唔擔心工作受影響。」