釣魚島事件令中、日關係再陷緊張局面，日本女星藤原紀香卻在不適當時候充當「親善大使」，上周二來港出席電影《精武風雲˙陳真》首映，消息近日傳返日本，網民即群起插她「冇腦」，認為她不應在敏感時刻力撐一套涉及反日情節的侵華電影，有網友更叫她不要再返日本！紀香是次「親善之旅」令同胞十分反感，未知會否影響她盛傳多時的從政大計！

日本網友大鬧紀香：「真係蠢到唔見底，唔該咪返嚟日本！」

紀香的香港之旅引起日本網友不滿，有人留言說：「藤原紀香係咪白癡o架？唔該諗吓撐一套中國人製作嘅日本侵華電影會有咩後果，真係冇腦到不堪！」

甄子丹拒評論

紀香當日以性感打扮現身《陳真》首映時，在片中飾演民族英雄陳真的甄子丹，已精警地叫舒淇用日語向紀香澄清：「嗰個島係我哋嘅！」間接令紀香捲入中、日政治風波，有關報道被日本網站轉載後，連日來成為當地網絡的熱門話題，可謂火上加油！

本報記者昨日致電身在雲南開工的甄子丹，對於紀香被同胞圍攻，他拒絕作出任何評論，但仍有禮地說：「我本身唔識佢，唔方便評論咁多，雖然我個人認為娛樂同政治唔應該混為一談，但中國人有民族意識係啱！」他還大讚總理溫家寶的處理手法，自言視他為偶像，並指若日本在中秋節前釋放船長詹其雄會更好。