組合農夫的師妹樂瞳經常接觸潮人朋友，潮流點子特別多，今次她為讀者推介的便是由她親自設計的手帶，原來手帶同時亦是其將推出的EP。她說：「今次將隻碟變做一條手帶，原本係諗住出公仔，好似之前DJ Tommy咁，不過又諗唔到咩公仔可以代表我，所以就出啲女仔一定啱用嘅飾物！」自言是粉紅色狂熱分子的樂瞳，手帶用上多種粉紅色做配搭，加上波點及不同圖案，更利用少女最愛的王冠造型，配合主打歌《干物女皇》之餘，潮味十足，大大提高手帶的實用性：「真係希望大家可以當飾物咁戴，仲可以放喺個髮髻上面，好多用途o架！當然要聽我入面啲歌啦！」