鍾舒漫、泳兒、G.E.M.（鄧紫棋）、李蘊及劉欣宜等昨日出席《新城慈善K唱遊》活動，G.E.M.表示求學時，每周唱3次卡拉OK，但未有趁機在K場識男仔，問她為何與性格內斂的林宥嘉發展成緋聞情侶？她表示因對方主動讚她唱得好，自此打開了話題，問到對方可有來港共慶中秋？她即大叫：「救命！冇呀！」
至於自言沒有方向感的泳兒，竟打算學車：「我希望架Dream Car配上『V』字或『V1NCY』嘅車牌。（叫公司老闆楊受成送畀你？）冇奢望過！」自認是「骨精」的她，曾在內地誤Call「邪骨女」上房：「我一開門，見到個着住Deep V衫嘅女仔，翹埋手好不滿咁睥住我！後來先知我柯打要女按摩師係錯，應要求要『保健女按摩師』！」