麥浚龍（Juno）與混血女模戴庚玲（Janine）打得火熱，繼早前被本報踢爆同居後，昨日5時許，二人在中環ifc逛名店，期間更手翹手於男裝部睇衫。眼見Janine為自己揀衫，Juno全程傍實，看來十分信任女友眼光。期間Janine睇中一條頸巾，隨即掛在Juno頸上，令他露出冧樣！至後來發現有記者，他們即由秘道離開。
另一方面，Juno、蔡穎恩（Evelyn）及黃偉文等前晚出席活動時，Juno透露其擔正的電影《復仇者之死》成為香港亞洲電影節開幕電影，女主角蒼井空稍後會來港宣傳，問到可擔心反日情緒會影響票房？他說：「我覺得要正面啲去睇，唔好抹煞演員嘅努力！」
