台灣人氣組合飛輪海將舉行新碟簽唱會，因近年屢傳拆夥，粉絲擔心今次乃四子最後一次「四神合體」，隨即引發逾千人撲飛潮！有粉絲不惜通宵輪候，更因有人投訴被「打尖」而報警，場面混亂！
飛輪海將於本周推出新碟《太熱》，並將於下月1日假Star Hall舉行新碟發布會及簽唱會，屆時招待3,000名粉絲入場。昨日唱片公司在灣仔某卡拉OK舉行新碟香港版的預購活動，屬WOW唱片公司的會員，只要買碟就可以換取當日發布會的入場手帶，故吸引逾1,300名粉絲到場輪候。有志在必得的粉絲不惜捱「通頂」霸位，期間有警員出現，原來有人報警投訴被「打尖」！
預祝吳尊生日
據知粉絲如此瘋狂，是擔心今次是飛輪海「散Band」之作，皆因早前曾有傳四子不和，而近年四人又作獨立發展：吳尊忙拍戲，汪東城及辰亦儒狂接劇，現場更有粉絲踢爆炎亞綸將會單飛出碟，令拆夥傳聞更言之鑿鑿！據知當晚還順道為下月生日的吳尊提早慶生日，聚會具雙重意義，難怪粉絲心急撲飛怕走寶！
新碟反應理想
就飛輪海拆夥傳聞，記者昨日向四子所屬的香港唱片公司高層鄺小姐求證，她說：「梗係唔係啦！佢哋啱啱先出新碟！至於下一張唱片幾時推出就未知，因為未有時間，不過新碟反應好好，已有過萬定單！（飛輪海係咪最後一次聚頭？）都唔係！」至於炎亞綸是否推出個人專輯，她則表示容後公布。