與錢景峰（Andrew）分手後，模陳靜儀（Mia）日前終在Facebook公開新戀情，與新歡Hayes Cheng「交往中」！熱戀中的Mia暱稱男友為「三眼仔」：「因為你，我改變了自己，三眼仔。」雖高調晒恩愛並獲祝福，但惹來一位女子直斥Mia經常換畫及「不知所謂」，激發起男友Hayes用英文還擊：「你根本唔了解Mia，我亦會負責照顧小孩。」
獲新歡力撐的Mia，即甜笑維護男友：「佢有啲激動，但佢唔係圈中人，希望大家可以畀啲空間。」她大方承認新戀情：「佢係我朋友嘅朋友，而且佢都識Andrew，佢好體貼，好支持我嘅工作，最近大家相處熟落，覺得啱先走埋一齊。」Mia坦言公司沒有阻止她們拍拖，亦認為拍拖是開心事，不想偷偷摸摸。兩人昨日又在Facebook寫上「Missing You」傳情。