任達華前晚在上海世博園區內世界貿易中心協會館，出席《LUISA CERANO 2010秋冬季品牌發布酒會》，他說：「今個中秋過得有意義，我個慈善攝影集《五季》幫中國創意基金籌款之餘，我又可以陪住我嗰位好似春天咁靚嘅第一季（琦琦）過，仲可以同囡囡一齊切月餅，感覺好溫馨，返香港就要開甘國亮套新戲，（女主角係邊個？）留畀甘生講，呢個演員我未合作過，但我好鍾意佢。雖然今次我加咗少少片酬，但我為呢套戲推咗好多Job，根本彌補唔到，但我想幫甘生完成夢想。」

華哥夫婦為女兒任晴佳（左一）和甄子丹女兒甄濟如拍照。

模特兒穿上最新秋冬裝行騷。