新進樂隊Supper Moment由4位壯男組成，成員包括主音Sunny、主音結他手阿雞、低音結他手CK及鼓手阿達，雖然他們各有正職，但絕非玩玩吓，即使捱眼瞓都未想過解散，堅持追尋夢想！樂隊至今已成立3年，問到可有經歷低潮？阿達說：「我哋發展都算順利，如果話低潮，開頭大家未有默契，未搵到樂隊方向！」幸而EP反應非常好，為他們注下強心針！提到樂隊名稱「晚餐時間」，阿達表示含意深遠：「香港人工作忙碌，分外珍惜同家人或朋友共聚晚餐嘅時光，呢種態度等同我哋嘅音樂路向，希望聽眾多加留意身邊人。」