於電影《精武風雲．陳真》演臥底的舒淇，有連場日文對白戲份，更要唱日文及國語歌，難怪不諱言沒有半點日語基礎的她演出時甚為迷惘，幸好唱歌可以拼音協助，故只集中花工夫唸日文對白。不過，由於拍攝時只集中閱讀貓紙唸對白，結果她沒有看對手一眼！舒淇笑說：「成場戲我只係望住盞枱燈，因為張貓紙黐咗上去，冇抬起個頭，導演劉偉強仲問我嗰張係咩嚟，我咪叫佢唔好理囉！好在成場戲都冇NG。」

對於《精》片推出電影原聲大碟，但內裏全是她獻唱的歌曲，幾乎如個人專輯無異，她笑言聽到構思時不以為然，沒料公司真的拍板推出，令她大感意外。問到推出時會否到電視台唱Live宣傳，舒淇聞言即瞪大雙眼說：「之前鄭伊健搵我都係行行企企，我對唱K有興趣啲！做歌手一定要好似容祖兒同王菲咁有實力嘅，我呢啲就係玩票，所以都係做好戲就算。」

恨拍拖惜冇着落

談到片中出賣好朋友霍思燕，最後還要殺死對方，舒淇坦言該場戲份的情緒起落甚大，加上同時說中、日文對白，故處理上甚有難度，幸好思燕的反應能帶她入戲，結果被取笑「以嫩帶老」，舒淇笑說：「所以我咪要好好反省囉！」提到與甄子丹有感情戲，她笑指兩人只輕鬆談情，沒有親熱戲份，但當見子丹對着太太汪詩詩時的冧爆眼神，令她相當羨慕，問到為何不快快找個伴？她笑說：「係女仔都想談戀愛，但唔係話搵就搵到！」