前晚中秋佳節，佘詩曼（阿佘）、蕭正楠及黃浩然等宣傳劇集《公主嫁到》，即場選出3個男觀眾做阿佘駙馬。阿佘透露中秋節要開工，早幾日已跟媽咪食飯，問到可有被催婚？她說：「冇，反而96歲嘅婆婆有問，我知佢好想見到我結婚！（有冇同婆婆承諾？）結婚唔係單方面可以做到，只有隨緣！」至於已婚的黃浩然希望盡快生小朋友：「我想生兔B，因為我同媽咪都係屬兔，如果三代都係兔就好喇！」
至於陳豪昨晚出席中秋晚會時，問到有多少物業？他笑言一隻手數晒。而葉翠翠則坦言早前曾到廉署協助調查，其後便再沒人找她，未知是否要上庭。另《公主嫁到》近期Hit爆，連網上亦「大塞車」，前晚大量網民凌晨2時半仍未成功登入TVB網站觀賞《公》劇，怨聲載道！