最近廖啟智為電影《上海外灘》（暫名）拍攝跳躍場面時不慎跌斷手，是入行以來首次嚴重受傷，當日送院後證實手骨斷裂，並即日接受手術，智叔在電話中透露需要三個月才可完全康復：「嗰日拍一場Free-running嘅戲，大部分跳躍戲都係替身，我只係補啲大頭鏡頭，衝落樓梯嗰陣因為梯級唔平均，衝力又好猛，失足跌落地用手按地，當時唔覺得好痛，但見到手腕有舊骨凸咗出嚟。（傷勢阻礙拍攝？）仲有一場動作戲要拍，但要等隻手好番先拍，消腫之後拍文戲就冇問題。」