泳兒、陳偉霆（William）和鍾舒漫等昨日出席網站活動。近日忙於拍電影《出軌的女人》的William透露，跟穿了高踭鞋的夏文汐排Tango時，女方除鞋跳舞，他不慎多次誤踩對方腳趾，感到很抱歉。
至於William那場萬眾期待的露股戲，助手指可能要出海拍攝，William即笑問：「有冇替身o架？千祈唔好將焦點放喺Pat Pat。」身旁的洪卓立抵死地說：「搵啲嘢撈吓好喎！」William笑說：「咁Pat Pat咪好白。」他指露股戲不止一場，問到是否要清場？他說：「啲女仔冇問題，我都唔需要囉！（Pat Pat曬黑未？）Ready咗。」
而穿上低胸裙的泳兒亦笑言，期待睇William的露股戲：「好想睇William嘅『股』巨肌。」她更表示因不察覺裙有透視效果，又忘了帶打底褲，故要臨時補買致遲到，大感不好意思。