黃宗澤（Bosco）、Chrissie、陳偉霆、草蜢、A. Lin、林莉、梁漢文和任賢齊等昨日出席《Modizo（名博）全新社交媒體平台啟動儀式》。身穿連身裙的Chrissie，收起引以為傲的咪咪，她自爆愛上網上交友：「今晚飛澳洲出席活動，會帶埋電腦去，最近愛上網上交友，我用真名識咗個男仔，佢話喺英國度踢波，遲啲嚟香港。」

林莉身穿低V裙到場，高貴大方。	A. Lin、劉欣宜和李蘊不約而同穿短裙，富青春氣息。	A. Lin

謝絕富豪飯局

問到是否怕男友介意，Chrissie說：「未同佢講，遲啲先算。（咁大膽？）自己識衡量，咁大個人識分寸，最多咪叫埋男友一齊踢波，朋友還朋友，男友還男友，個個都知我鍾意靚仔，冇人比我男友更靚仔。」對於有報道指她出席富豪飯局，她否認：「冇人聯絡過我。（心郁？）冇諗呢樣，工作上食飯OK，太鹹唔會。」

此外，Bosco亦自爆會自拍片擺上網：「最多自己起題激啲，不過拍男仔啲人冇乜興趣。（擺胡杏兒三點式？）佢都唔着三點式。（裸泳？）冇咁大膽。（有冇見過杏兒着泳衣？）游水好正常，上次沖繩有游水，冇拍片。」Bosco還自爆稍後要返內地搵錢，未能人月兩團圓，記者即問他女友去哪兒？他口快快說：「胡杏兒？開廠囉！冇鬼用，大家都開工。」