昨日關楚耀（Kelvin）接受電台訪問時透露，前晚已與家人飯敍賀中秋，但父親仍要為契爺譚詠麟（阿倫）的演唱會唱片做後期製作，故晚上會到錄音室探班，與老父團圓。對於有指無綫因與四大唱片公司決裂，導致阿倫及李克勤的晚會片段遭刪，身為四大唱片旗下歌手的Kelvin說：「我覺得咁對歌手唔公平，欠尊重！不過我覺得依家真係Free咗好多，起碼可以上其他電視台，當然希望公司同無綫快啲好番，達到雙贏！」
至於阿倫接受另一電台訪問時，談到有傳陳志雲為化解無綫與四大唱片公司的糾紛，提出雙方合作搵「街外錢」，阿倫說：「我覺得唔容易做到！有咁嘅心係好，但大家都係企業公司，好難做，總之有方案就有希望！」
