王喜前日為涉嫌收賄及詐騙案應訊的陳志雲擔遮，又冒雨赤腳登山拜佛祈福，更揚言會賣樓幫補訴訟費。事後表示行樓梯行到腳痛的阿喜，昨晨完成《天天天晴》拍攝後，即趕與志雲同慶中秋，實行人月兩團圓：「我為朋友做嘅嘢，都唔想成日掛喺口邊，自己都唔好意思，希望對方感到安慰！（真係賣樓籌錢打官司？）去到最壞至咁做，層樓係我目前唯一資產！（為志雲完全奉獻？）好多人都有為佢做咗好多嘢！（陳生有冇感動到喊？）我冇問！（佢轉律師？）以我所知冇，但律師費好貴！」

六嬸被傳媒追訪時低頭不語，拒絕回答有關志雲的問題。

起初木無表情的六嬸，與梁乃鵬卻言談甚歡。

笑寧進似小朋友呷醋

對於獲寧進封為「志雲Best Best Friend」，阿喜直言愧不敢當：「千祈唔好咁講，唔敢當，寧進佢小朋友呷醋！（你至係陳生嘅No. 1？）好朋友啫！」但寧進昨日接受電話訪問時否認呷醋：「我咁講都驚王喜嬲！（你哋邊個先係志雲身邊No.1？）一定唔係我！但阿喜咁做，我知志雲一定好感動！」而另一愛將鄧健泓大讚王喜對志雲有情有義，亦力撐志雲沒有經濟問題。古巨基則表示一直有致電及SMS志雲：「佢心情正常！件案進入司法程序就唔方便講，但我會睇住進展！（傳王喜賣樓幫志雲打官司？）唔知，但我都知王喜好關心佢！」

樂易玲（左）專誠捧愛將楊思琦的舞台劇場。

古巨基透露一直有SMS問候志雲。

至於一直「潛水」的六嬸方逸華，昨日現身城市大學出席《邵氏基金會（香港）有限公司捐款支票遞交儀式》，樂易玲、麥當傑、梁乃鵬及梁家樹等無綫高層在旁護駕，但公關事先聲明六嬸不接受訪問。雖然六嬸與嘉賓有說有笑，但儀式進行期間卻拒絕上台合照，及至致送紀念品環節才上台。活動結束後，保安一度阻止記者採訪六嬸，擾攘後始劃出記者區，數十分鐘後才離開的六嬸對「會做控方證人？」、「陳志雲好快復職？」及「陳志雲有乜秘密歷史任務？」等一概不答，梁乃鵬則以「中秋節快樂！」回答所有問題。

樂易玲撐事頭心情好

昨午有份為六嬸護駕的無綫製作資源部總監樂易玲，昨晚出席楊思琦有份參演的音樂劇《情場如戰場》首演時，她表示並未收到出庭做證人的通知：「但我有聽聞過志雲復工，詳情唔知！（六嬸為志雲案唔開心？）中午見佢都幾開心！（志雲有乜秘密任務？）話得係秘密，我梗唔知！但陳生一直有同方小姐聯絡。」此外，對於無綫欲與四大唱片公司修好，有傳經理（節目發展分部）彭濟材將是最佳「出使」人選，但據知無綫並不重視修好與否，並決定重點栽培《超級巨聲2》冠軍林欣彤。