歌手可嵐昨日與飲食界才俊尤子威結婚，晚上於半島酒店筵開10席宴親朋，好友關心妍、文恩澄及裕美等擔任姊妹團。可嵐透露老公早於半年前已買下鑽石婚戒，但遲遲未有求婚，害她苦等6個月，她笑說：「我諗過佢結婚對象會唔會唔係我！」她還宣布雙囍臨門：「我有咗BB，差唔多兩、三個月喇！之前一路忙籌備婚禮都冇發現，如果係男仔就叫尤俊Eugene，女就叫尤美Yumi。（婚後淡出娛圈？）唔會，想小朋友都唱歌，當係胎教。」
關心妍得悉可嵐有喜後興奮又羨慕：「見到身邊朋友都造人成功，真係要加把勁，好多人提供秘方畀我，遲啲會試。」晚上到賀的洪杰表示，除送上豐厚禮金外，還與韋雄及王若琪合送紀念性禮物。
