妄攝女Cat（陳雅絲）、Debby（曾麗儀）及Kinki（林玲）相約一起預祝中秋節，玩燈籠時更盡顯童真。為了應節，三人戴上兔耳朵及尾巴扮性感玉兔，當中以33C激凸兔仔Cat最搶鏡！貪玩的她們不時逗玩姊妹的兔耳，但Debby突然展露「兇殘」一面，將Kinki的耳仔摺成一塊，Cat更落井下石，以兔仔燈籠襲擊Kinki，其後Kinki展開報復咬Debby的「耳仔」，Debby只好扮喊求饒！

Kinki（左）和Cat（右）聯手欺負Debby，對方要扮喊求饒！	Kinki自爆童年時玩煲蠟，險釀成意外致毀容！	Debby難忘有男同學在中秋節向她示愛，十分浪漫。

蠟燭砌心示愛

提到最難忘的中秋節，Debby表示中四時有男同學以蠟燭攻勢力追：「佢喺沙灘度將蠟燭圍成一個心形，中間就放咗條鏈向我示愛，當時真係好冧，仲接受咗佢。」而廚藝了得的Debby希望可親手炮製紅豆蓉月餅，兩姊妹即搶着落Order。

Cat扮成33C激凸玉兔應節，性感又省鏡。

Kinki（左起）、Debby和Cat相約玩燈籠過節，童心未泯。

至於Kinki每逢中秋都喜歡與大批友人露營，燒烤打牌游水玩個不亦樂乎，節目豐富。她自爆兒時因曳曳差點意外毀容：「小六嗰年玩煲蠟煮飯仔，仲加埋啲樹葉落去炒，搞到好大火，仲燒着咗個簷篷，好彩家人即刻淋熄啲火咋！」至於Cat習慣與家人上天台賞月及食湯圓，但今年則要開工，故只好提前慶祝，為食的她例必狂食月餅應節，故會多吃水果消滯。