貴為「票房靈藥」的甄子丹，下月拍攝黃百鳴出品的賀歲喜劇《最強囍事》（暫名），在片中飾演一名化妝師，更夥拍劉嘉玲、古天樂和杜汶澤等人拍攝。早前子丹完成台灣的電影宣傳後，便趕返港為《最》片初試造型和拍攝宣傳海報。

西裝骨骨的甄子丹捧着金元寶拜年。	穿上唐裝衫的子丹，以拜年Look拍攝海報。	甄子丹（右）和黃百鳴一同觀看拍攝成果。

否認片酬最高

首次演出喜劇的子丹，當日分別換上西裝和賀歲拜年Look拍攝海報，更即場發揮其喜劇細胞，穿上西裝時擺出多個型仔甫士，他說：「呢啲Pose係四哥（謝賢）先做到。」有指子丹片酬高達千五萬人民幣，老闆黃百鳴說：「今次唔使畀千五萬咁多。」對於被封中、港、台最高片酬的男演員，子丹說：「唔講呢啲，總之唔係最高。」

子丹曾因葉問題材電影與梁朝偉隔空「互窒」，今次與梁太劉嘉玲合作，他表示不會尷尬，還笑說：「點會呀！可能係佢（梁朝偉）派太太嚟做臥底起我底，睇吓我啲詠春練成點。」問到有否向「囍事」始祖周星馳取經，他說：「人哋係上市公司，點會得閒理我吖！」