張繼聰對陳志雲大表關心，曾SMS慰問：「希望件事快啲完結！審訊時間愈長，牽涉嘅人壓力就愈大，我覺得陳生係好叻嘅人，就算審訊結果係點，都係我朋友，我同太太都支持佢！」至於其太太謝安琪昨晚則表示沒有時間看新聞，不清楚志雲提堂詳情，沒有致電對方。提到將有52位證人，她表示沒有收到通知，有需要願意協助。
楊思琦唔知咁多
「冇收到任何消息，所以暫時唔係好清楚情形，況且之前都回應咗好多喇！」
陳慧琳希望冇事
「我哋之前合作過，我覺得佢係一個有內涵同有遠見嘅人，希望佢冇事！」
陳豪唔係證人
「我冇搵佢，睇新聞知，我唔係52個證人其中一個。（廖碧兒劃清界線？）我唔覺得有呢件事，亦唔覺陳生有敵人，同陳生合作過嘅人都好關心、擔心佢。（怕唔怕廖碧兒畀人話現實？）唔覺！啲人誤會啫！」
鄧健泓不便回應
「我唔會回應，因為唔方便，希望你哋明白！」