前日在加拿大艾德蒙頓開騷的Justin Bieber，上周六趁綵排期間，偷偷到以女侍應誘人身材作為賣點的餐廳Hooters，該店經理說：「Justin大概3點嚟到餐廳，有幾個保鏢同佢一齊嚟，佢嚟嗰時好多人喺窗度睇佢添！佢一入到嚟，就為我哋其中一個女店員唱歌。」不過，他只逗留一會便離開。

據悉小Justin所以到該店，全因其演唱會樂隊成員所致，知情者說：「本來係Justin隊Band嚟食嘢先，佢哋食嘢嗰時同我哋嘅女侍應講佢哋同Justin綵排緊，仲應承會帶Justin嚟同我哋影相，我哋以為佢哋講笑，點知一陣之後Justin真係嚟咗！」

被嘲頭細過胸

其後Justin大方與眾侍應合照，被眾多美女包圍的他，顯得有點尷尬，未知是否因女侍應衣着較為暴露，令他不敢直視她們！不過有人笑指Justin的頭比一眾女郎的胸部還要細，非常抵死！此外，早前Justin為《CSI犯罪現場》客串一集的片段曝光，片中他飾演的Jason在警署落口供，相信該片段將在新一季播出。