黎明嫂樂基兒（Gaile）昨日應母校香港藝術學院邀請，在網上廣播節目中任嘉賓講者。談到黎明（Leon）緋聞舊愛李嘉欣昨日宣布有孕，Gaile坦言不知情：「因為見唔到佢，如果係真，恭喜佢！（會唔會同Leon夾份送禮物？）會！我諗佢嘅BB會好靚！」問到如何慶祝中秋節，她說：「會同Leon食飯，我嗰日冇工作，佢都應該冇問題。（整月餅？）未學！遲吓一步步嚟！我最鍾意電白兔燈籠！」
此外，畢業後首次出席講座的她，望與大家分享對藝術的態度：「我初時以為有好多現場觀眾，但嚟到發現原來喺網上播放，即刻冇咁緊張！」並透露曾介紹同場主講的同學為衞蘭個唱畫海報。
