無綫總經理陳志雲早前有傳復職，其首要任務是向老闆娘獻計，修補無綫與四大唱片之版稅糾紛，其中志雲曾提出「街外錢齊齊搵」，包括跟「四大」平分廣告贊助收益和合作開演唱會，以及由無綫出面接洽活動，「四大」歌手參與便可以分紅，利潤相當可觀。可惜志雲如今遭廉署落案起訴涉嫌串謀貪污詐騙，明日（周二）提堂審訊，復職無期，無綫集團總經理李寶安昨日回覆記者時表示，目前只可評論的是任何解決方案，都要得各方同意及共識，不過未有否決這個「搵銀妙計」，看來他顧全大局，藉以挽回老闆娘的信心。而「四大」中的環球唱片則於截稿前未獲回覆。

陳鍵鋒（左）曾與陳志雲拍攝旅遊節目，一同到冰川取景。(資料圖片)

唐詩詠（左起）、商天娥、伍詠薇和楊思琦昨日出席新劇宣傳。

另外，身為「志雲幫」的陳鍵鋒和唐詩詠，昨日出席新劇《翻叮一族》宣傳時，義不容辭「聲援」恩師，而瘦了二十磅的十月新娘商天娥，其未婚夫更上台獻吻，令她十分驚喜。

陳鍵鋒說：「我最Buy志雲性格，依家進入司法程序，就唔方便講太多，但佢係好老闆，我會為佢打氣。（ICAC有冇搵你？）冇，我唔會去法庭，其實分黨派好危險，我只會做好本分。」唐詩詠則不想大家評論事件，她認為會造成影響：「我作為朋友會精神上支持佢，應該畀佢靜吓。（SMS陳志雲？）有。」同場有份出庭作供的楊思琦，則避談事件。

陳豪冇黨派

而自稱未有黨派之分的陳豪，昨日出席防脫髮產品代言活動，他還笑言如有六舊腹肌則不介意當內褲代言人，對於陳志雲將面對官司，他說：「我好欣賞志雲為人，希望佢平安過渡（收封口令？）冇，自己好簡單，冇分左右！」