20/09/2010

播放本新聞相關短片

G.E.M.遊台灣勁擦雞扒

鄧紫棋(G.E.M.)昨日出席中秋節活動時表示,晚上將與家人食飯提早慶祝中秋節。談及今年未能與身在台灣的緋聞男友林宥嘉團圓,她愕然地問:「乜唔係結咗婚先係人月兩團圓咩?」她亦透露去年被狗仔隊跟蹤,故未能與前男友歡度中秋節。有指她身形回復纖瘦,她表示早前到台灣,當地美食太多,10日行程居然食了15塊雞扒,問她可考慮移居台灣?她說:「如果為食嘢,我一早移民咗去日本喇!(但台灣有林宥嘉陪喎?)我好多地方都有朋友,我又冇講過(佢係男友)。」

G.E.M.坦言小時候只會玩電燈籠:「阿爸會送有音樂,有燈膽嘅燈籠畀我,加上我怕火,電燈籠較安全。」雖然她怕火,但強調絕非不入廚的「公主」。