愛貓之人李曼筠（Maggie），年多前在義工協助下收養了兩隻貓咪加菲及囡囡，適逢早前牠們生日，Maggie專誠買了生日蛋糕替「愛女」賀壽：「佢哋好精靈，知我影相會企定定，影完相又自動自覺去舔個蛋糕！囡囡仲以為有生日禮物，捐入我個袋度搵生日禮物。」她表示與兩貓相處最重要是勿厚此薄彼，食物分量要均等：「我曾經試過抱住囡囡望街，點知加菲見到呷醋，擰歪面唔睬我。又試過因為加菲比較『為食』，所以我餵多兩粒零食畀佢，點知囡囡見到又唔高興，唔肯食嘢，搞到依家要我親手餵佢先肯食嘢！」談到與貓咪相處的趣事，Maggie透露有一次戴上白老虎造型的帽子，嚇得加菲掉頭走，惟有只與囡囡玩：「點知囡囡唔鍾意我戴眼鏡，不停用手抓，真係畀佢激死！」