抵讚派

容祖兒　型格十足

評語：「條裙好蝦人着，要行得好前嘅人先夠膽着，成件事好靚同型！但略嫌佢對手套搶Focus，心口、手套同毛毛鞋總共有三個Focus，我會建議減手套，對鞋Bulky係型嘅！」

評分 9

周汶錡　簡約高貴

評語：「呢條裙靚同高貴！佢擁有Model身形先Carry到，但係配飾太沉色，令佢少咗啲光芒，唔夠平時咁搶眼！」

評分 7

周汶錡	廖碧兒	吳君如

廖碧兒　人衫合一

評語：「佢今次襯得好！髮型、耳環、頸鏈、戒指、衫同化妝都好襯，佢好受條裙嘅顏色！條裙着得佢好有線條，性感得恰到好處！」

評分 8.5

吳君如　毛毛搶眼

評語：「好靚好型又有韻味，佢嗰種性感係比較Strong嘅！個毛毛膊頭好突出！其實佢可以襯埋黑、藍或者粉紅寶石頸鏈同耳環。」

評分 7.5

平穩派

何傲兒 娘鞋出事

評語：「何傲兒對鞋個款好Out，我建議佢一係襯白色鞋，整體感覺會Pure啲，如果想玩嘢嘅話，可以襯紅色涼鞋，感覺Trendy啲又有番個Focus。」

評分 5

熊黛林 比例失衡

評語：「打扮怪怪哋！感覺唔性感，下身太重，條裙嘅令身質地做長裙唔多啱，反而變短裙露腿會靚，加上條手鏈好Odd，唔襯！」

評分 6

熊黛林

張嘉兒

張嘉兒　老氣橫秋

評語：「條裙靚但款式老土，顏色幾高貴，佢嘅膚色Carry到，大Deep V應該加條頸鏈，可以襯番佢胸口喱士嘅顏色。」

評分 6

失手派

蔡慧敏　國產風情

評語：「好國產風情！條裙黃襯粉紅，再加頭髮蓬鬆，真係Cannot！好彩佢條裙遮得住重要部位！」

評分 0.5

苟芸慧　早熟闊太

評語：「條裙款式同顏色都太老，紅撞黑係闊太顏色，佢應該着粉色或者Light啲嘅香檳色或者金色，啲首飾亦都太多太重，顯得佢更加有肉地！」

評分 3

苟芸慧

陳法拉

陳法拉　冇厘神采

評語：「揀錯裙！長方形設計顯得佢冇身材兼肚腩現形，成身Earth Tone加埋個妝搞到冇厘神采，成件事好Dull（枯燥），唔性感！」

評分 4

Profile

時裝設計師陳刀畢業於香港理工大學，03年舉行首個個人時裝展，曾為樂隊I Love You Boyz、歌手麥家瑜及李卓庭等作形象及服裝指導。

註：最高為10分