鍾舒漫（Sherman）、陳偉霆（William）及洪卓立昨日於高溫之下出席戶外燒烤活動，Sherman表示喜歡戶外騷，因觀眾的反應較高漲：「大家玩得愈High我就愈開心，同埋我個人怕凍多過怕熱，所以好少溶妝，好多化妝師都讚勁！」
William即席連跳兩首快歌舞步，汗流浹背，他說：「《得閒炒飯》之後，多咗人搵我開戲，有一部香港、一部內地電影傾緊，下星期開拍同夏文汐姐姐套戲，上星期試戲時，導演要求我除底褲，因為要露半個屁股，我問可唔可以着T-back遮住重要部位，點知佢話唔得，但我真係過唔到自己嗰關。（加片酬？）咁又可以考慮！」
