19/09/2010

播放本新聞相關短片

惠英紅俄國封后開心到嘔

惠英紅最近在俄羅斯封后,憑同一角色第七度獲女演員獎項的她,終於追平張家輝的七料影帝紀錄,難怪她興奮地說:「開心到好似嘔咗個心出嚟咁!」

演技早已獲肯定的惠英紅,近一年可說是豐收之年,她憑電影《心魔》成功橫掃多個電影頒獎禮女主角及女配角獎項(見附表),包括第46屆金馬獎最佳女配角獎及第29屆香港電影金像獎影后等,已獲六獎的她當時曾笑言如中六合彩一樣!

最近惠英紅再添喜訊,其得獎版圖拓展至俄羅斯,在海參威國際電影節中封后,第七度憑《心魔》得獎的她非常開心,她接受電話訪問時說:「電影節有好多外國著名嘅電影參賽,今次可以話係衝出亞洲獲得認同,好開心呀!聽到個消息嗰陣,開心到好似嘔咗個心出嚟咁,要多謝咁多個電影節嘅肯定!但今次有啲後悔,因為初時以為冇機會,所以冇親身去到。」

「阿女變阿媽」內心掙扎

此外,昨日惠英紅與林家棟及崔建邦出席《電影專業培訓計劃2010》開幕禮,她表示前日收工才得知封后消息,興奮足幾日,並笑言終可追平張家輝憑英皇電影《証人》掃七獎的紀錄:「但係《心魔》冇得競逐金雞百花電影節獎項,張家輝就有,如果佢拎埋金雞影帝就多過我,不過我冇諗過同佢爭,亦唔需要破紀錄,得獎係一種鼓勵。」

問到從影逾30年可有想過狂掃獎?惠英紅說:「做咁多年都堅守每一個鏡頭要做到最好,曾經有段時間過唔到中間嘅界別位,要克服由演後生女到演母親角色嘅心魔,但過渡咗,就發覺前面海闊天空。」

《心魔》帶挈狂擸獎

2009年11月 台灣

《第46屆金馬獎》最佳女配角

2010年3月  香港

《第16屆香港電影評論學會大獎》最佳女演員

2010年3月  香港

《第4屆亞洲電影大獎》最佳女配角

2010年4月  香港

《第29屆香港電影金像獎》最佳女主角

2010年6月  廣州

《第10屆華語電影傳媒大獎》最佳女主角

2010年8月  長春

《第10屆長春電影節》最佳女主角

2010年9月  俄羅斯

《海參威國際電影節》最佳女主角  

影視組