最近Angelababy於港、日人氣急升，可惜樹大招風，昨日本報收到讀者爆料直斥她是大話精。其內容大部分是踢爆Baby家庭背景複雜，消息指Baby母親曾於上海任職卡拉OK，由於來港定居後父母都不懂廣東話而難於搵工，最後他們在朋友介紹下在港做內地遊客生意，而並非Baby聲稱父母做「中港商人」。
又有指Baby母親人緣差，已離職舊公司轉到旺角鐘錶店擔任售貨員，又指她經穿常着女兒代言的名牌四周圍「晒命」。爆料者又指Baby曾透露每日食兩條海參美容，話佢日食兩條油炸鬼就差不多。
對於種種傳言，經理人Kim平心靜氣地回覆：「好明顯有人想中傷Baby，如果個人心態好就唔會講呢啲野，聽完咁嘅傳聞咪笑吓囉！我相信佢媽咪都唔會嬲，我哋能量好正面。（Baby媽咪被指嘅職業有冇做過？）冇啲咁嘅事，傳媒每日都收幾百樣消息，如果個個喺度編古仔都要回覆，就好唔得閒。」