對於陳志雲遭落案起訴，無綫藝人黎耀祥及陳倩揚均表示尚未收到通知何時上庭作供。當中曾義務出席活動的陳倩揚表示一向由經理人接Job：「我知係冇酬勞，但唔會每次都問咁多，睇糧單覺得滿意就OK。（下次問清楚？）都係交畀經理人，有時慈善活動唔會太計較。」
而昨日黎耀祥與毛舜筠等出席活動，他透露曾SMS陳志雲，但對方沒有回覆，祥仔說：「希望佢冇事啦！始終圈中有才華嘅人好少。（上庭？）好似話第一堂我冇份，抖吓先。（被下令封口？）冇收到喎！可能太多人，通知唔到我。」
至於陳百祥（阿叻）則讚志雲懂得處理事件，更以「人生如棋」作比喻，指並非每步都如意，奉勸對方熟讀孫子兵法及解鈴還須繫鈴人，問到有否聯絡志雲？阿叻說：「我唔會，除非佢搵我啦！」