無綫內部權力鬥爭，打從志雲仍在位時已存在，其中角力對象有指是集團總經理李寶安和製作資源部總監樂易玲，記者昨日致電李寶安了解，他首度就志雲事件開腔：「邊個唔想佢復工，全無此事，真心嘅……（點解佢會咁講？）唔知，不明其所以。（傳你同陳志雲權力鬥爭？）黐線！（有冇聯絡？）唔方便，唔知法律上有冇問題。（出庭作供？）唔知，未收通知。」他強調自己是「真心話」，其後匆匆掛線。至於樂易玲在截稿前未有回覆。