Amigo指志雲心情已平復，對於有指他與對方劃清界線，Amigo說：「冇任何嘢會影響我同Stephen嘅感情。」問到擔不擔心志雲？他想了一會說：「我相信同永遠支持陳生，不過我人微言輕，可以做嘅唔多，只可以講，冇陳生就冇我。」

鄧健泓（右起）昨日與泳兒、官恩娜出席活動，大讚陳志雲EQ高及堅強。

陳志雲正式被起訴，多位愛將紛紛力撐恩師。(資料圖片)

而鄧健泓昨日與泳兒、官恩娜等出席活動時表示，他暫時不會探志雲，提到有人跟志雲劃清界線，他說：「我唔係囉！到呢一刻佢都係我恩師，佢的確幫過我，都有啲擔心佢，不過佢EQ高又堅強，希望佢可以堅強面對。」

寧進否認頂酒吧賣樓

至於寧進昨日在電話中接受訪問時表示，連日來他都有跟志雲傳短訊，對方表示適當時候會找他，並否認與志雲擘面。對於被指沒有大水喉射住的他要賣樓和頂酒吧，寧進否認：「我視佢亦師亦友，會無限量支持佢，我冇同佢不和，酒吧只係想頂畀人，咁樓價好咪賣樓囉！」問他會否聽審作支持，他說：「出到就出，為咗唔會招話柄，事前都會問律師意見。」他表示志雲一直照顧他，更感染他做了教徒，現時每晚為志雲祈禱，不諱言若對方定案被無綫開除感可惜，但覺得他會冇事。