19/09/2010

播放本新聞相關短片

歐陽妙芝伸援手SMS慰問

不少模特兒都為Rosemary涉兩宗罪擔心不已,其中歐陽妙芝稱日前曾SMS慰問,Rosemary臨飛法國前回覆她,叫她勿擔心,妙芝說:「我同佢講我老公喺美國有相熟朋友,如果有需要幫手就開聲,佢星期五回覆我,話已經有律師幫佢處理,叫我唔使擔心。」她認為Rosemary今次離港是希望將事件大事化小,避免言多必失,故會支持其決定。

另外,昨日妙芝的兩個寶貝仔出席商場舉行的童裝匯演,這是兒子首次以個人名義賺錢,她說:「囝囝知道會有酬勞,即時話要請我去旅行同去迪士尼。」她笑言今次酬勞不俗,比她當年行騷的人工還要高呢!

Ana R. 唔敢打擾

「去法國都係好事,因為佢可以不受騷擾,好好散心避靜,始終喺香港有好多記者等佢,我希望佢喺法國可以好好休息!我知道好多人都會搵佢,所以暫時我唔會搵佢住,希望佢有個空間抖吓氣!」

何國鉦贊成離港

「之前同佢通過電話都知佢會去法國,呢個決定係好,因為佢都話想好好重組自己,同埋呢個時間佢最需要家人支持,佢返巴黎同家人聚會係好事,始終佢喺香港係名人,出到街一定好多人指指點點,去法國佢心情一定放鬆啲。(認為佢男友不離不棄?)我唔認識佢,佢冇同我提過男朋友嘅嘢。」

莊思敏給予空間

「佢任何決定都支持,應該畀多啲空間佢休息,同埋諗吓嘢,至少可以避記者。(佢男友不離不棄?)作為男友都應該陪住佢,冇理由丟低佢咁衰。」

Jocelyn
  • Jocelyn

Jocelyn 永遠支持

「暫時我唔會搵佢住,唔想騷擾佢,但我曾經同佢講過有咩需要或幫忙就話我知,我永遠都會喺佢身邊支持佢,唔會令佢孤單一個,好多朋友包括我都會好支持佢!(Jason陪佢去法國,係咪覺得佢好好?)我見過佢,佢一直都對Rosemary好好,佢係一個Nice Guy!(你認為Jason係咪Rosemary嘅真命天子?)哈!我唔知,應該要問番Rosemary。」