黎明（Leon）與名模老婆樂基兒（Gaile）早前傳婚變，昨日Gaile現身北京bread n butter秋冬時裝騷做嘉賓，雖然右手受傷，但仍風騷晒恩愛：「上個月我滑水整親，以為好小事，做瑜伽會好。但Leon不停叫我睇醫生，佢怕變風濕喎！結果醫生診斷我係網球手，要定時做物理治療。」她還苦笑說：「要戒酒、上網、SMS同做運動。（粗重工夫畀老公做？）唔使，我係左撇子，右手受傷影響唔大。」她又笑言因昨晚不用行騷，可盡情享受北京美食，問她會否為北京出生的Leon學弄家鄉菜？Gaile撒嬌沒有正面回應，只說：「我喺整北京菜時感受到Leon嘅食物文化！」她又甜笑透露懂得包北京水餃和炸醬麵。

李彩華否認有新歡

至於擔任模特兒壓軸行騷的李彩華（Rain），穿上一襲如婚紗般的粉紅色長裙，行到一半撕開裙襬騷長腿。她透露是第二次為該品牌行騷，加了酬勞很開心。對於被傳與教友拍拖，她否認有新歡：「雖然想拍拖，但唔心急，適當嘅時候個天會跌一個真心人落嚟，依家拍拖唔可以馬虎，要小心啲揀！」對於陳志雲被起訴，Rain表示會為他祈禱，又指前經理人兼好友趙小姐與陳志雲相熟，已託對方問候。