患重病的Rosemary母親Julie，要面對愛女在美國涉藏毒及撞車後不顧而去兩宗罪被捕，又要面對離婚訴訟被分身家千多萬元外，更被頒令要將渣甸山寓所於半年內賣出。

遭私下匯錢至歐洲

據Rosemary父母的身邊人透露，Julie現況的確可憐及無奈，Julie過往曾多次借錢給人周轉，最後是有借冇還。之後，更發覺自己有筆錢被調匯到歐洲去。

據知Julie份人重情義，不想搞大件事，Rosemary得知此事，還出面調解。Rosemary亦因此於兩個月前主動搬到渣甸山陪母親同住。對於離婚之判決，據聞Julie重病在身也一定會上訴，是被迫行這一步，又指其實涉及當中的千多萬元，有98%都屬於Julie賺回來，因她在投資房地產、股票都很掂！

Julie昨日接受本報訪問，氣若游絲地承認曾借錢給別人：「我係有借錢畀人，初初有借有還，後來一借冇回頭，最高金額係幾千萬，有人將啲錢匯去歐洲，我完全唔知，其他嘢我唔評論。」問到要半年內賣樓，Julie語氣委屈又無奈：「唉，我真係好慘。我知以前栽培個女嘅方式太硬，唔識得用基督嘅愛，令個女好唔舒服。依家我倚靠基督幫助我去面對一切嘅困難，其他嘢我真係唔想講。」

漏夜拖仔赴巴黎

另外，本報前日獨家拍得一直避見傳媒的Rosemary於跑馬地現身後，她當日即搬離母親渣甸山的寓所，並於昨晚與男友Jason一齊飛往巴黎。昨日有港燈公司的工程車到Julie寓所，逗留一會便離去。