模特兒Angelababy昨日與兩位師妹Sarah及Fiona出席波鞋展覽活動，Baby拍照時腰帶突然鬆脫，害她要急返後台整理。她自爆很喜歡波鞋，幾近瘋狂程度，擁有逾200對波鞋，她笑言會接受情侶波鞋：「我覺得情侶波鞋係情侶之間一種默契嘅表現。（同黃曉明都有？）冇！（你送畀佢囉！）我都係大會送咋！」近日有傳黃曉明與周迅等約滿華誼兄弟後離巢獨立發展，問到黃曉明是否已與周迅自組公司，Baby說：「唔知道！關於佢嘅嘢我都係拉鏈（封嘴）。」
另外，日前有指台灣女藝人張鈞甯因不滿她在電影《痞子英雄》獲導演加戲份而辭演，Baby直言不明所以：「完全冇聽過，我收到劇本時只係知道我同陳意涵係兩個女主角，亦冇見過張鈞甯，所以唔知點解會有呢啲報道。」