黃宗澤：我唔知事情經過，唔想講太多！（TVB下封口令？）冇喎！我哋有言論自由o架嘛！（接到李寶安嘅電話？）冇呀！我哋呢啲小演員嚟o架咋！
徐子珊：我啱啱先聽到呢個消息。（打畀陳志雲慰問？）我冇佢私人Contact！（TVB下封口令？）冇收到Email通知，不過都唔可以亂講嘢嘅。
陳法拉：事件進入咗司法程序，希望尊重案中當事人，唔方便講咁多。我冇打電話畀陳志雲，希望佢可以渡過難關。
廖碧兒：希望事件後可以回復正常，其他嘢不便作回應，公司負責人會處理。作為同事都擔心陳志雲，希望各界畀啲空間捲入呢件事嘅人，但對ICAC呢個行動有啲Suprise。
陳豪：都有留意新聞。（收封口令？）冇收過。你問我都唔知點回應，睇到新聞個心都唔舒服，依家都唔想打擾佢，希望佢無事。我好欣賞佢為人和才華，希望透過你哋（傳媒）向佢慰問。
薛家燕：聽到消息都好愕然，個心好唔舒服，冇諗過會發生咁嘅事，佢唔係個重錢嘅人，我有搵過佢幫手都冇乜講錢！我反而欠佢人情，可能當中有啲問題，錯誤安排。
羽翹：事件好似好古怪，話佢復職轉頭又話落案起訴，我讀大學嗰陣佢有嚟過做客席講師，覺得佢好正直，好想知件事係點。
曾指志雲是「騎呢怪」的杜琪峯：「本來諗住避而不答，我本身都喺電視台做咗廿年，好明白入面運作，係整體機器唔會有人太突出。我冇批評佢（指陳志雲），亦唔應該話佢『這東西』，總之留番法院判決先公平。」
梁思浩在微博寫道︰從前的確好恨他，他在沒有理由下，炒了我也令我不能回TVB，但今天我對他再沒有恨！也誠心祝福他！