經過廉署的「威遠行動」調查半年後，涉案的無綫總經理陳志雲日前被正式落案起訴串謀貪污詐騙，下周二將提堂審訊。無綫為免藝員講多錯多，集團總經理李寶安日前發出內部通告，下令全台「封口」！外事部副總監曾醒明昨日亦證實：「無綫內部已出通告，呼籲員工不要講及有關案件，目的為保障各人權益。（老闆娘方逸華會唔會否出庭作供？）要等廉署通知。」
至於證人名單昨日曝光，多名證人將出庭作供，當中包括藝人黎耀祥、佘詩曼及楊怡等。同樣需出庭的「六嬸」方逸華其實當日得知「契仔」志雲被落案起訴，心情跌至谷底，連日來未有返電視城。據其身邊人員透露，六嬸心情「囉囉攣」，因為眼見錢國偉與寧進等亦已獲撤銷擔保，一度認為事件有起色，便積極部署「契仔」復職，如今事件發展至意想不到的局面，難怪她心情受影響。
佘詩曼勁避忌
曾是志雲愛將的王喜、崔建邦及鄧健泓等連日來「潛水」，反而與志雲不太熟落的「視帝」黎耀祥雖然要出庭作供，但昨日仍表示希望志雲無事，還讚其為人及欣賞對方才華：「我未收到廉署通知出庭，案件已進入司法程序，不便評論，如果需要畀口供我會去。（電話問候？）冇！呢個時間尷尬。（接騷會小心啲？）藝員好簡單，只收合理人工，之後嘅嘢理唔到咁多，個個都話拍膊頭！我傾價錢唔叻，都要搵老婆出面，（擔心志雲搵唔到工？）唔擔心，佢有才華。」
返港即歎齋菜
同是要出庭作供的佘詩曼則顯得避忌，昨日返電視城開工的她封嘴避談，問到有否致電問候志雲？阿佘只說：「事件進入司法程序！（收李寶安嘅封口令？）我冇收，但經理人有叫我喺講件事要點處理，公司咁做都係保護我哋，（打電話慰問？）唔該晒！」至於楊怡亦將被傳召上庭，她說：「唔知，暫時未知公司安排。（影響公司士氣？）自己專心做自己嘢，希望佢可以開心面對。」問到是否收到集團總經理李寶安的封口令，她說：「我冇收過，可能我係公司一分子，被問到可能要講。」楊思琦甫見記者即甚為「騰雞」，她說：「事件進入咗司法程序，唔講咁多。」花旦之中只有葉翠翠大方撐志雲：「我唔了解件事！（愛將？）我都唔識點講，我約佢已經係幾年前嘅事。其實陳生對每個藝員都好好，冇話分愛唔愛將，喺呢個時候都唔想騷擾佢。（接過陳生嘅Job?）有呀！但我唔太為意錢銀上嘅嘢。」另外，志雲昨日返港後到好友馮美基家中作客，對方還特別為他準備齋菜。