本文重點
周秀娜（Chrissie）前晚穿上黑色低胸裙出席私人晚宴，性感奪目，但最「矚目」的竟是其手上的傷口。Chrissie透露早前拍攝排球電影時弄傷手，更自爆手痛得連Bra都戴不到：「自己唔小心『篤魚蛋』，真係痛到即時喊咗出嚟，雖然工作人員都好緊張幫我搽藥酒，嗰刻消腫以為冇事，但呢幾日就痛到要睇醫生。原來係韌帶傷咗，今日連胸圍都扣唔到，要媽咪幫手戴！」
拍拖睇騷晒恩愛
受傷的Chrissie十分倒楣，黑仔事件接二連三發生，最近連眼睛亦生了眼瘡：「拍完戲先發現隻眼都生埋瘡，醫生話食藥唔好就要做手術，所以依家不停祈求食完藥會冇事。」晚宴期間，會場老闆邀請Chrissie合照，公司同事在她身旁照顧周到。提到有指她被富豪邀請出席飯局，她說：「我同Avis食飯時間都冇，如果真係要約我，打贏佢先講！」活動後，Chrissie終有時間和男友拍拖睇周杰倫演唱會。
