擁有32C上圍44吋長腿的黃淑玲（Sherine）早年獲陳妙瑛垂青拍攝美容院廣告，後來卻突然「消失」，原來市場管理系畢業的她，為一償當老闆娘心願，07年與友人合資開夜店，可惜經濟不景導致損失慘重，問到是否很肉赤，她說：「梗係啦！不過好彩自己性格幾硬淨，跌低可以再嚟過！」對事業未有氣餒的Sherine，其後到台灣、馬來西亞和北京發展模特兒事業，但她最大心願是來港發圍。

黃淑玲籌備網上短片，分享扮靚及谷胸秘技。

雖然被封「翻版熊黛林」，但黃淑玲堅拒靠緋聞出位。

拒借緋聞上位

現今模當道，Sherine直言大家路線不同，故不擔心有比較，問到性感底線，她說：「唔可以露點，着Bra內褲都可以接受！」曾被封「翻版熊黛林」的她，不打算靠緋聞出位：「我知道喺香港做Model，好多時靠八卦新聞上位！（你指Lynn？）好多人都係咁，我唔係講佢，不過我亦唔係天王嫂囉！」

分享扮靚心得

Sherine表示經理人正為她籌備網上短片，分享扮靚心得，藉此吸納志同道合的靚女：「我覺得呢個仲實際，雖然同人傳緋聞係好快上位，但我暫時都想靠自己，等多啲人認識！」她表示將拍攝扮靚化妝和「谷胸秘笈」，專門教女生如何伸展事業線：「呢個係經理人嘅構思，我覺得幾得意，我喺台灣行過唔少內衣騷，知道好多提升事業線嘅秘訣，希望可以幫到大家！」