黃凱芹（Chris）將在九展舉行兩場演唱會，雖然他不是教徒，但相信上帝有所安排，因此從不擔心前路應如何行：「我係宣明會終身義工，去過好多地方探訪，除咗可以成熟啲，仲會令自己滿足多啲，唔會有咁多怨言！」好像這次演唱會，Chris坦言是意料之外的事，只專注新碟的他完全沒有計劃宣傳：「咁啱又有人搵我去澳門開騷，傾吓傾吓改咗喺香港搞，又好似同我宣傳埋隻新碟！」

闊別樂壇4年，黃凱芹將在九展舉行演唱會。

黃凱芹在音樂路上遇到一班志同道合的知音。

音樂路上遇知音

演唱會上，Chris將獻唱別人的歌：「張國榮、陳百強同梅艷芳都會有，仲有個比較新嘅歌手，就係周杰倫嘅《菊花台》！」至於新碟，他坦言有小小突破，自組合作班底搞花臣：「我上網搵音樂人合作，外國有水準嘅音樂人一街都係，佢哋會自資出碟，誠意同Talent多過金錢，上天既然畀機會我有班知音，點解我唔做？」他又大讚好友趙學而早前推出的專輯《聽》好聽：「我見佢一個女仔都咁有心，唔靠國際大唱片公司，自己落手落腳，我可以自彈自唱條件比佢好，點解我唔做？」