不到兩星期就嫁人的準新娘朱凱婷（Heidi），眼看整個婚禮「轉入直路」而大感放心：「6月至7月嗰排有好多嘢要搞，所以同未婚夫比較多拗撬，其實都係我忟。」力求完美的她表示現時是享受期：「呢排努力做Facial同埋盡量瞓多啲！（婚禮用幾錢？）7位數字！」她又透露已與一班姊妹辦了「告別單身夜」，但不敢請猛男，只請了靚仔魔術師兼大玩塔羅牌占卜，獲得美滿的回憶。

朱凱婷早前到珠寶店挑選嫁妝，專攻珍珠首飾。

朱凱婷喜歡珍珠，大讚象徵純潔。

偏愛小鳳仙裙褂

Heidi早前到Mikimoto珠寶店挑選嫁妝，主攻珍珠項鏈及耳環的她說：「我真係好鍾意珍珠，喺日本傳統中，子女結婚時父母係送珍珠o架！珍珠又白又圓，好似代表純潔。我第一次收到珍珠首飾，係媽咪喺我畢業時送嘅，我留到依家o架！」Heidi又表示將會效法外國把訂婚戒及婚戒同時戴上，已收卡半訂婚鑽戒的她表示，婚戒將以簡約為主。

她又透露已準備了兩套晚裝及兩件婚紗：「我仲做埋套褂！全部都搵Designer設計，套褂最特別嘅係小鳳仙Cutting，而非傳統嘅中間開扣。全部都係按我鍾意嘅設計去做！（公主Feel？）冇咁講，但都咁希望啦！（童話婚禮？）冇刻意營造，不過如果係都幾好！」