有人曾經講過o靚模是沒有明天的事業，雖然「妄攝女」Debby（曾麗儀）、Cat（陳雅絲）與Kinki（林玲）在今年寫真戰中一「撕」成名，但她們深知花無百日紅，所以藉暑假後的空檔努力學好普通話，希望能裝備自己，學以致用。

Debby（右）與「妄攝」好姊妹Cat （左二）等轉戰內地，希望開拓市場。(資料圖片)

Debby指北上登台不會特別性感，故不怕遇襲。

登台唔怕遇襲

然而，她們的努力終獲得回報，近日獲邀請轉戰內地發展，頻頻北上登台表演，實行齊齊搵真銀！Debby直言獲大會賞識感開心，屆時會載歌載舞助興。不過，早前有藝人在夜店登台時遇襲，問到會否擔心？她說：「如果真係發生呢啲事都好難避免，不過Kinki識跆拳道，佢會保護我哋！佢仲會表演踢板，唔打得都睇得嘛！」

早前在寫真集中盡騷事業線的Debby，被問到屆時可會性感演出？她說：「又唔使好性感，總之有啲嘢睇囉！希望可以搵多啲人仔。」她表示現時除了努力練歌外，還練定普通話，不想屆時禍從口出：「真係好怕講得唔好，好彩我哋本身都識少少普通話，依家都要不斷進修。」