吳雨霏（Kary）其實與樂隊Hardpack早於八年前已認識，可惜一直苦無合作機會，惟今次終下決心合作出新碟《合+歡》。提到早前曾與樂隊Ping Pung合作，Kary認為兩隊樂隊大有不同，今次更親力親為參與創作：「由揀歌到開會坐低傾，每個人都參與畀意見，真係自己落手落腳去做，滿足感會大啲！」她還讚Hardpack幾年間在音樂方面進步不少，他們相處樂也融融，甚少吵架。

Kary讚Hardpack短短幾年在音樂造詣進步不少。

Kary相識Hardpack雖已八年，但直至最近才正式合作。(資料圖片)

《耳王十四一心》意義深

Kary與Hardpack由錄歌到改歌名，差不多每次也要公司多番催促才完成，雖然經常「臨急抱佛腳」，但結果仍相當滿意。《娛樂 on Show》主持人Angela問到新碟中有一首歌叫《耳王十四一心》相當特別，Kary即說：「呢幾個字加埋係『聽』嘅意思，希望大家可以用心聽，同聽多啲唔同類型嘅音樂！」至於Hardpack成員Kevin原來有份為《超級巨聲2》伴奏，對於林欣彤（Mag）勝出，他直言第一次見她已刮目相看：「佢第一日嚟練歌，我已經覺得佢好勁，同埋佢每次唱歌嘅表現都好穩定。」