冼色麗、吳若希和朱紫嬈三位樂壇新人，在靚聲王子黃凱芹（Chris）的演唱會上同台演出，三人坦言心情緊張，主攻電影的冼色麗被問到會否擔心被比下去？她說：「冇得比較，始終有咁嘅機會，都會好好把握，冇諗過可以為前輩歌手做嘉賓，又唔係全職歌手，所以特別覺得榮幸，我都有搵老師教我唱歌，唔知Chris收唔收徒弟呢？」

吳若希（左起）、朱紫嬈和冼色麗將同台獻唱，倍感壓力和緊張。

冼色麗表示已跟老師學唱歌，更想做黃凱芹的徒弟。

讚Chris有型靚仔

朱紫嬈透露Chris很留意新人的動向：「公司話佢想搵新聲音合作，睇吓可唔可以有啲互動，呢個機會好難得，會好好珍惜。」吳若希表示Chris喜歡聲線甜美的類型，外界經常指她是翻版劉小慧，當年Chris與劉小慧合唱冧爆情歌《望星星》：「我記得佢係MV男主角，睇番都覺得佢好靚仔、有型，仲有啲性感添！」朱紫嬈自爆哥哥是Chris的頭號歌迷，故小時候已經聽着對方的歌曲成長：「好似佢首《傾心》真係好好聽，所以知道有得同Chris合唱都好大壓力！」