味之天使「賓治」的陳宛蔚（Calinda）最近愛上難度甚高的鋼管舞，她說：「我學過溜冰，總算有幫助，因為跳鋼管舞要好大膽，第一堂就要飛上去夾住條柱，又要好多好難嘅動作，好似要倒立擘髀咁！」動作雖難以掌握，但難度最高的是「姣爆」舞姿，她說：「我比較粗魯，跳Pole Dance要對鏡自摸，又要趴地扭嚟扭去，好難捉摸啲神韻，但我想學點樣Sexy啲！」Calinda因此換來周身傷，拉傷大髀筋致滿腳瘀痕：「膝頭瘀得好緊要，最誇張試過用半支遮瑕膏！家人同朋友試過反對，驚我受傷。」除學舞外，Calinda亦進修普通話，希望可到內地接Job。